بين الحياه والموت

بين الحياه والموت



احساسنا كان ملغي



كان الامل بيفوت



لحظات ويلعبــ بي



والخطوه مقسومه



والسكه مرسومه



والرسم كان مبهم



واضح ومتخبي



ملايين من الافكار



مرت خلال لحظه



والرحله والمشوار



مروا كما اللحظه



بين الحياه والموت



اللحظه كات صعبه



ملايين من الافكار



بتمر وتعدي



واللي خاصمته فـيوم



واللي خاصمني فـ يوم



واللي حقيقي بحبه



واللي حقيقي كارهني



كل الحقايق باهته



خطوط وشفافه



يمكن تكون غامضه



يمكن تكون متشافه



بعض الحواس ماتت



باقي الحواس بتموت



بين الحياه والموت



كان الطريق موجود



يمكن يكون واسع



لكنه كان ضيق



وماكانش متحدد



او حتي كان له حدود



لكنه كان باين



وفـ لحظه مش شايفه



ولحظات يكون سالك



واوقات يكون مسدود



لكنه كان موجود



بين الحياه والموت