1- هذا واحد قال صاحبو نعاود ليك أسرع نكتة، رد عليه إييه، قال ليه نعاود ليك وحدة أخرى؟.
2- هذا واحد المعلم سول التلاميذ دياولو: ما هو جمع الدب؟ معرفها حتى واحد.
وهو واحد الكسول هز صبعو وجاوب: الدببه.
المعلم: حسن جدا ...وديرها في جملة
الكسول: الدبباه الكوميسارية
3- هذا واحد خينا لاباس عليه مرفح مزيان ولكن ماقاريش. مكاين غير عمر في الشكات ديال البنك الشعبي وكيعطي البشر، وكانت السنية(signature) ديالو نقطة في الشيك. المهم سرقو ليه كارني الشكات بلا ما يعيق وبقاو تيسحبو ليه في فلوسو...حتى جاتو رسالة من البنك تيخبروه بأن حسابه نقص بزاف. الحاصول بشا عندهم وقال ليهم: جبدو ليا الشكات ...مدير البنك: هاهم نعاماس...وهو بدا يقول ليهم هذه سنية(signature) ديالي، هذه لا، هذه ديالي،هذه لا، هذه ديالي،هذه لا، هذه ديالي.... وهو مدير البنك قال ليه ورا السنية كيف كيف..وهو يرد عليه ألا أسي المدير أنا النقطة تــنحطها في وسط دبر العود(cheval).
4- هذا واحد المفتش مشى عند واحد المعلم ولقاه تيقري التلاميذ جمع المذكر السالم بطريقة غالطة: مثلا رجل: رجلون، مكتب: مكتبون، المهم مكاين غير زيد (ون) ودوز. هو المفتش طلع ليه الدم وبغا يخرج، وهو يسولو المعلم: كيف جاك الدرس؟ وهو المفتش جمع صبعانه ومدهم للمعلم وقال ليه هذا جمع المذكر السالم ديال مدان الصبع.
موضوع: نكت 
الثلاثاء أكتوبر 09, 2007 7:47 am
